દુનિયાના સૌથી અમીર વ્યક્તિને `ભરોસો` છે આ એપ પર, WhatsApp પર નહીં? જાણો કારણ

નવી દિલ્હી: છેલ્લા કેટલાક દિવસથી પ્રાઈવસી પોલીસીમાં ફેરફાર કરીને વોટ્સએપ(WhatsApp) ચર્ચામાં છે. વોટ્સએપની શરૂઆત જે બે લોકોએ કરી હતી તેમણે ક્યારેય વિચાર્યું પણ નહીં હોય કે વોટ્સએપનું બિઝનેસ મોડલ પણ આ રીતે જાહેરાત થઈ જશે અને પ્રાઈવસીમાં ગાબડું પડશે. આ બાજુ અમેરિકી બિઝનેસમેન એલન મસ્ક હવે દુનિયાના સૌથી અમીર વ્યક્તિ બની ગયા છે. એલન મસ્ક ઈલેક્ટ્રિક કાર મેકર ટેસ્લા અને સ્પેસ ફર્મ સ્પેસ એક્સના ફાઉન્ડર છે. તેમણે અમેઝોનના સીઈઓ જેફ બેજોસને પાછળ છોડ્યા છે. આ એલન મસ્કે એક નવી એપની વકીલાત કરતા આ એપ હવે ચર્ચામાં આવી ગઈ છે. 

એલન મસ્કે એક ટ્વીટ કરી જેમાં લખ્યું કે 'Use Signal' (યૂઝ સિગ્નલ). તેમણે લોકોને એક પ્રકારે અપીલ કરી છે કે Signal યૂઝ કરો. Signal એક ઈન્સ્ટન્ટ મેસેજિંગ એપ છે. પરંતુ આ એપ દુનિયાની સૌથી સિક્યોર એપ મનાય છે. રસપ્રદ વાત એ છે કે વોટ્સએપના જ ફાઉન્ડરના પૈસા આ સિગ્નલ એપમાં લાગ્યા છે. જેનો ઝૂકાવ પ્રાઈવસી તરફ છે. 

સિક્યુરિટી ફીચરની વાત કરીએ તો સિગ્નલ એપમાં વધુમાં વધુ સિક્યુરિટી ફીચર્સ અને સિક્યુરિટી પેચ મળે છે. સિગ્નલ એપમાં બહુ પહેલેથી Disappearing ચેટ ફીચર છે. જે વોટ્સએપમાં હાલમાં જ આવ્યું છે. પરંતુ આમ છ તાં સિગ્નલ એપનું આ ફીચર વધુ સિક્યોર, પ્રાઈવેટ અને સેફ છે. 

અત્રે જણાવવાનું કે ફેસબુકે વોટ્સએપનું અધિગ્રહણ કર્યું અને ત્યારબાદ વોટ્સએપના બંને ફાઉન્ડર્સ ફેસબુક સાથે વિવાદના કારણે પૈસા લઈને ચાલતી પકડી. હવે વોટ્સએપ સંપૂર્ણ રીતે ફેસબુકનું છે અને ફેસબુકના સીઈઓ માર્ક ઝકરબર્ગ છે. માર્ક ઝકરબર્ગનું પ્રાઈવસી અંગેનું વલણ જગજાહેર છે.